بلوچستان نا الس محب وطن ءُ، بلوچستان وسیلہ غاتیان مالامال، سانحہ کوئٹہ ٹی اوار دہشت گرد آتے دزگیر کرسا سزا تننگے، سینیٹر سراج الحق نا کوئٹہ امن جرگہ آن تران

کوئٹہ (پاکستان نیوز پوائنٹ 30اگست 2016ء) جماعت اسلامی نا بنجائی امیر سینیٹر سراج الحق پارینے کہ بلوچستان نا الس محب وطن ءُ۔

سانحہ 8 اگست نہ صرف اہلیان بلوچستان بلکن ملک انا فضاءِ سوگوار کرینے۔بلوچستان وسیلہ غاتیان مالامال ءِ ۔ سانحہ کوئٹہ ٹی اوار دہشت گرد آتے دزگیر کرسا سزاتننگے۔

شہید آتا خاہوت آتا صبر وحوصلہ ءِ داد ایتیوہ۔ داخیال آتا درشانی ءِ او جماعت اسلامی نا کنڈآن امن جرگہ نا سرحال آن پریس کلب اٹی اڈ ہلوک آ دود آن تران کرسا کرے۔

امن جرگہ آن مسکوہی وزیراعلیٰ بلوچستان ڈاکٹر عبدالمالک بلوچ ، صوبائی وزیر تعلیم عبدالرحیم زیارتوال ، بلوچستان نیشنل پارٹی نا سینئر نائب صدر ملک عبدالولی کاکڑ، جمعیت علماء اسلام نا صوبائی جنرل سیکرٹری ملک سکندر ایڈووکیٹ ، بزرگ سیاستدان ڈاکٹر عبدالحئی بلوچ، عوامی نیشنل پارٹی نا باسک صوبائی اسمبلی زمرک خان اچکزئی، پیپلز پارٹی بلوچستان نا سیکرٹری اطلاعات سید سعداللہ شاہ، مولانا ابوتراب ، امان اللہ کنرانی ، عبدالخالق ہزارہ، غنی

خلجی، مولانا شفیق دولت زئی ئسک تران کریر۔

جماعت اسلامی نا بنجائی امیر سینیٹر سراج الحق پارے کہ سانحہ کوئٹہ ٹی بلوچستان نا کریم ننے آن جتا مس۔ حکومت اوار بندغ آتے دزگیر کرسا سزاایتے ہراوڑسانحہ پشاور آن گڈ وزیراعظم محمد نواز شریف ملکی سیاسی سروک و آرمی چیف تون اوار ایلو بڑزکو کمامدار آتا پشاور اٹی بڑزکو کہولی دیوان مس دا طرز آ بلوچستان اٹی ہم بڑزکو کہولی دیوان اس خوائفنگے تانکہ سانحہ 8 اگست نا اصل محرکات آتے پٹنگے۔

مسکوہی وزیراعلیٰ ڈاکٹر عبدالمالک بلوچ ، صوبائی وزیرتعلیم عبدالرحیم زیارتوال امن جرگہ آن تران کرسا پاریر کہ سانحہ 8 اگست نا دڑد ءِ لفظ آتیٹی بیان کننگ ممکن اف حکومت زوت اصل دہشت گرد آتسکان سرمرسا قرارواقعی سزاایتک۔

امن جرگہ آن ملک سکندر ایڈووکیٹ، مولانا عبدالحق ہاشمی، عبدالخالق ہزارہ تران کرسا پاریر کہ سانحہ 8 اگست ننا صوبہ نا کریم ءِ ننے آن جتا کرے دا خلا بھلو وخت اسسکان سلک۔

امن جرگہ آن ڈاکٹر شیلا کاکڑ تون اوار ایلو کسرشون آک ہم ساڑی ئسر۔