وزیراعلیٰ بلوچستان نواب ثناء اللہ خان زہری نا سروکی ٹی صوبہ ترندی اٹ شون ہلنگ ءِ، صوبائی سلاہکار معدنیات و قدرتی وسیلہ حاجی محمد خان لہڑی نا ”اے پی پی“ تون ہیت وگپ

کوئٹہ(پاکستان نیوز پوائنٹ 25اگست 2016ء) صوبائی سلاہکار معدنیات و قدرتی وسیلہ حاجی محمد خان لہڑی پارے کہ صوبہ آن بناء کروک آ شون نا سفر آن ملک شونہالی و خودانحصاری نا مزل ءِ دوئی کیک۔

وزیراعظم نواز شریف ووزیراعلیٰ بلوچستان نواب ثناء اللہ خان زہری نا سروکی ٹی بلوچستان ترندی اٹ شون ہلنگ ءِ بلوچستان نا پیداواری ، اقتصادی واپاری اہمیت آن دنیا ءِ آگاہی دوئی ءِ بلوچستان نا شون و شونہالی آن نہ صرف ملکی شون و شونہالی وابستہ ءِ بلکن اوڑآن علاقائی ملک آتے ہم بے پناہ فائدہ رسینگک، پاکستان مسلم لیگ (ن) نا حکومت وزیراعلیٰ بلوچستان نواب ثناء اللہ خان زہری نا سروکی ٹی صوبہ نا غٹ ضلع غاتا

بے پرخ اسہ وڑشون ءِ عملی جامہ اس بیرفنگ ءِ۔

داخیال آتا درشانی ءِ او”اے پی پی“ تون ہیت وگپ کرسا کرے۔ سلاہکار وزیراعلیٰ بلوچستان پارے کہ ترو ک آ زر شار انا روڈ آتا جوڑ جاڑ کنوئی آ صاف دیر پبلک پارک و نکاسی آب کون آ ایلو اجتماعی السی ویل آتیا خڑچ مریرہ تانکہ دا شارتا السی ویل آک ایسر مریر۔

شونداری عمل بلاتعطل ہنداوڑ برجاسلک ہرا مسلم لیگ (ن) نا ویژن ءِ ، ڈیرہ مراد جمالی شار انا الس ءِ کنوئی آ صاف دیر انا فراوانی نا وعدہ پورو کرینے، اوپارے کہ مسکوہی دور اٹی اسہ تو اٹی دیر انا بندش آن الس عذاب اٹی تماسس و نیمہ شار کنوئی آ صاف دیر آن محروم مسوسس ہراداسا مفک۔