واشنگٹن (پاکستان نیوز پوائنٹ 17نوری2016ء) چاند تے ڈو واری قدم رکھنڑ آلے امریکی خلا باز یوجین سرنن 82سال دی عمر اچ انتقال کرگے ،،کیپٹن سرنن جنہاں دا شمار انہاں ترائے لوکاں اچ تھیندا ہے جیرھے جو ولا چندر تے گے ۔او 14مارچ 1934کوں شکاگو اچ جمیے ۔پہلی واری او 1969اچ اپالو ۔10مشن دا حصہ بنڑیے جیں چندر دی سطح تے 50ہزار فٹ اتے پرواز کیتی تاں جو او لتھاں نی ۔
ایندے ترائے سال بعد 1972دے دسمبر اچ سرنن اپالو ۔17مشن دے کمانڈر دی حیثیت نال نہ صرف چندر تے لتھے بلکہ انہاں اتھاں ترائے ڈینھ وی گزاریے ،انہاں دے بعد اج تئیں کوئی انسانی چندر تے نی گیا ۔چند ر توں واپس امدے ہی انہاں آکھیا ہا جو اساں جیویں آئے ہوں اوویں ہی واپس ویندے پیوں اگر خدا چاہے تاں اساں انسانیت سانگے امن تے امید گھن تے آسوں۔سرنن چندر دے سفر توں پہلے 1966 اتے 1969 اچ وی ڈو واری خلا اچ وی ونج چکیے ہن او پیشے دے لحاظ نال امریکی بحریہ اچ ایوی ایٹر ہن تے انہاں 1963 اچ ناسا اپنڑے خلائی مشن سانگے چنڑیا ہا وہ 1976 اچ ریٹائر تھی گے ہن۔
امریکی خلائی ادارے ناسا سرنن دے انتقال تے ودھ سارے ڈکھ دا اظہار کریندے ہوئیں آکھیا جو او ہک چنگے انسان ہن انہاں دیاں خذمتاں کوں کڈاہیں وی نی بھلایا ونج سگدا۔
