لندن (پاکستان نیوزپوائنٹ 10اگست 2016ء) انگلینڈ اتے پاکستان دیاں کرکٹ ٹیماں وچال چار ٹیسٹ میچاں تے مشتمل سیریز دا چوتھا اتے چھیکڑی ٹیسٹ میچ (اج)خمیس توں اوول، لندن وچ شروع تھیسی۔ میزبان ٹیم انگلینڈ کوں چار میچاں دی سیریز وچ 2-1 دی برتری حاصل ہے۔ لارڈز لندن وچ پاکستان 75 سکوراں نال فتح حاصل کیتی تاں جو مانچسٹر وچ کھیڈے گئے ڈوجھے ٹیسٹ میچ وچ انگلینڈ 330 اتے برمنگھم وچ 141 سکوراں نال کامیابی حاصل کیتی۔
ڈوہائیں ٹیماں وچال سیریز دا چوتھا اتے چھیکڑی کرکٹ ٹیسٹ میچ خمیس توں اوول وچ شروع تھیسی۔ ٹیسٹ میچاں دی سیریز دے بعد ڈوہائیں ٹیماں وچال پنج ون ڈے میچاں دی سیریز دا پہلا میچ 24 اگست کو ںساﺅتھمپٹن وچ کھیڈیاویسی، ڈوجھا ون ڈے میچ 27 اگست کوں لارڈز وچ کھیڈیاویسی، تریجھا ون ڈے میچ 30 اگست کوں نوٹنگھم وچ کھیڈیا ویسی ، چوتھا ون ڈے میچ 01 ستمبر کو ںہیڈ نگلے وچ کھیڈیا ویسی اتے پنجواں اتے چھیکڑی ون ڈے میچ 4 ستمبر کوں کارڈف وچ کھیڈیا ویسی۔
سیریز وچ ہک ٹی ٹونٹی میچ7 ستمبر کوں مانچسٹر وچ کھیڈیاویسی۔ واضح رہوے جو قومی کرکٹ ٹیم دورے دے دوران آئرلینڈ دے خلاف وی ڈوون ڈے میچ کھیڈسی، پہلا ون ڈے میچ 18 اگست کوں کھیڈیا ویسی۔ آئرلینڈ دے خلاف ڈبلن وچ ای ڈوجھا ون ڈے میچ 20 اگست کوں کھیڈیا ویسی۔
