دوشنبے (پاکستان نیوزپوائنٹ 5جولائی2017ء) وزیراعظم محمد نواز شریف صدر امام علی رحمانوف دی دعوت تے بدھ کوں تاجکستان دے 2 ڈینھ دے سرکاری دورے تے دوشنبے پج گے ہن ، اتھاںآمد تے تاجکستان دے وزیراعظم قاہر رسول زادہ کابینہ ارکان دے نال دوشنبے انٹرنیشنل ایئر پورٹ تے انہاں دا پرتپاک خیر مقدم کیتا ، وزیراعظم دے مشیر خارجہ امور سرتاج عزیز، وفاقی وزراءخواجہ محمد آصف ، خرم دستگیر وی وزیراعظم دے نال ہن۔
وزیراعظم ”کاسا 1000“ دے رکن ملکاں افغانستان، کرغزستان، پاکستان اتے تاجکستان دے چار جہتی سربراہ اجلاس اچ وی شرکت کریسن۔ ایں منصوبہ دا مقصد توانائی راہداری دا قیام اتے تاجکستان، افغانستان اتے پاکستان وچالزمینی رابطے استوار کرنڑ ہے۔ اے پاکستان اتے افغانستان کو ںتاجکستان اتے ازبکستان اچ پیدا تھیونڑ آلی بجلی فراہم کریسی۔ دورہ دے موقع تے سانجھے دلچسپی دے علاقائی موضوعات تے تبادلہ خیال سانگے پاکستان، افغانستان اتے تاجکستان وچال سہ جہتی سربراہ اجلاس وی منعقد ہوونڑ طے ہے۔
ڈوہیں ملکاں دے رہنما تجارت و سرمایہ کاری، توانائی تعاون اتے علاقائی رابطے سمیت ڈوطرفہ تعلقات اتے اقتصادی تعاون تے تبادلہ خیال کریسن۔ او پاکستان دی پرامن ہمسائیگی دی پالیسی تے خصوصی توجہ مرکوز کریندے ہوئے باہمی دلچسپی دے علاقائی اتے عالمی امور تے وی گالھ مہاڑکریسن۔ ڈوہیں پاسے دورے دے دوران مختلف شعبیں اچ ایم او یوز اتے معاہدیں تے دستخط وی کریسن۔ دورہ دے دوران ”علاقائی یکجہتی سانگے تزویراتی شراکت داری ولوں شاہراہ“ دے عنوان توں ہک سانجھے اعلامیے تے دستخط وی کیتے ویسن
