اسلام آباد (پاکستان نیوزپوائنٹ 27مارچ2018ء) پاک بحریہ 25ویں نیشنل شوٹنگ چیمپئن شپ دا عزاز آپنڑے ناں کر گھدا،پاکستان آرمی ایونٹ اچ ڈوجھی پوزیشن گھدی۔پاکستان نیوی دی شوٹنگ ٹیم عمدہ کارکردگی ڈکھیندیں ہوئیں 20گولڈ،14چاندی اتے 11کانسی دے تمغے گھدے۔چیمپئن شپ دی چھیکڑی اتے انعام ونڈنڑ دی تقریب منگل کوں پاکستان نیوی شوٹنگ رینج کارساز اچ تھئی۔
کمانڈر کراچی ریئر ایڈمرل اطہر مختار تقریب دے مزمان خصوصی ہن جنہاں جتنڑ آلے کھڈاریاں اچ انعام ونڈیے۔پاکستان نیوی دے غفران عادل رائفل ایونٹ اچ پہلے نمبر تے رہیے اتے چیمپئن شپ دے بہترین کھڈاری قرار ڈتے گئے ۔مزمان خصوصی تقریب نال خطاب کریندیں ہوئیں آکھیا جو شوٹنگ ہک کھیڈ دے طور مسلح فوج توں انج قومی سطح تے وی نشابر حیثیت حاصل کریندی پئی اے۔شوٹنگ دے اے ست ڈینھ دے مقابلے پاک بحریہ ولوں 21توں 27مارچ2018ء2018 پاکستان نیوی شوٹنگ رینج اچ رکھیے گئے جنہاں اچ آرمی، نیوی ، ایئر فورس، پنجاب، سندھ، واپڈا، فیڈرل رائفل ایسو سی ایشن اتے خیبر پختونخواہ دی ٹیماں حصہ گھدا۔
