اسلام آباد (پاکستان پوائنٹ نیو ز 29۔جولائی۔2016ء) وفاقی وزیر منصوبہ بندی تے ترقی احسن اقبال آکھیا ہے جو اقتصادی غربت دے نال نال ذہنی غربت کوں مکاونڑ دی ضرورت ہے ،پاکستان قوم ایماندار ہے ،ملک دی ترقی تے سیاسی استحکام پالیسیاں اچ تسلسل دے بغیر ممکن کائنی ،بے نظیر انکم سپورٹ پروگرام غربت دے خاتمے سانگے اہم کردار ادا کریندا پیا ہے ،انہاں خیالاں دا اظہار انہاں جمعے کوں بے نظیر انکم سپورٹ پروگرام دے تحت پاکستان دی آبادی دے رپورٹ دی تقریب توں خطاب کریندے ہوئیں کیتا ،ایں موقع تے بے نظےر انکم سپور ٹ پروگرام دی چیئرپرسن ماروی مےمن وی موجود ہن ۔
وفاقی وزےرآکھیا جو ہک خاص آمدنی دے نال گھٹ بیوا تے یتیماں تے معذوراں دی کفالت سانگے قدم چاونڑ ہک وڈ ا عمل ہے ،انہاں آکھیا جو سارے اعشاریے ڈسیندے پے ہن جو 2016دا پاکستان 2013دے پاکستان توں بہترہے ،اے چنگی سوچ تے خود اعتماد قوم سانگے بہوں ضروری ہے ،انہاں آکھیا جو غربت دے خاتمے سانگے کہیں وی ملک سانگے اہم کردار ادا کریندا ہے ،بی آئی ایس پی ملک دے 5کروڑ لوکاں دی مالی معاونت کریندا پیا ہے ۔
انہاں آکھیا جو موجودہ حکومت 2018اچ 10ہزار میگاواٹ بجلی قومی گرڈ اچ شامل کریسی ،حکومت ہائر ایجوکیشن کمیشن دا بجٹ 100توں ودھا تے 200ارب کر ڈتا ہے ۔اینویں ہی تعلیم تے وی خاص توجہ ڈتی ویندی پی ہے ،بی آئی اےس پی اےشےادا ساریں توں وڈا پروگرام ہےک۔پاکستان دے چین دے نال سیاسی تعلقات سٹرٹیجک اکنامک تعلقات اچ تبدیل تھی گے ہن ایں سانگے اساڈی ترقی تے خطے دے مستقبل تے چنگے اثرات تھیسن انہاں آکھیا جو گواادر سی پیک دا گیٹ وے ہو سی، اے صدر دا وڈا موقع ہے ایں کوں ضائع نی کر سگدے ،ایندے نال خطے دی ترائے ارب عوام کوں فائدہ تھیسی ۔
