ٹریڈ ڈویلپمنٹ اتھارٹی آف پاکستان جرمنی دے شہر فرینکفرٹ اچ تھیونڑ آلے پنج ڈینھ دے بین الاقوامی تجارتی میلے اچ شرکت سانگے 15اگست 2016تئیں درخواستاں منگ گھدیاں

اسلام آباد (پاکستان پوائنٹ نیو ز 29۔جولائی۔2016ء) ٹریڈ ڈویلپمنٹ اتھارٹی آف پاکستان (ٹی ڈی اے پی) جرمنی دے شہر فرینکفرٹ اچ منعقد تھیونڑ آلے پنج ڈینھ دے بین الاقوامی تجارتی میلے اچ شرکت سانگے 15اگست 2016تئیں درخواستاں منگ گھدیاں ہن ۔اتھارٹی دے جاری بیان دے مطابق عالمی تجارتی میلے اچ کٹلری ، کراکری ، کچن مصنوعات ، عام مصنوعات ، ہاﺅس وئیرز تے گفٹ آئٹمز سمیت بئے مختلف مصنوعات تیار تے برآمد کرنڑ آلے ادارے شرکت دے ذریعے اپنڑی مصنوعات دی نمائش تے عالمی خریداراں توں کاروباری معاملات طے کرسگسن ۔ عالمی تجارتی میلہ 10فروری 2017ءکوں شروع تھی تے 14فروری 2017کوں مک ویسی جڈاں جو میلے اچ شرکت دے حوالے نال مزید تفصیل اتھارٹی دی ویب سائٹ توں حاصل کیتی ونج سگدی ہے ۔