اسلام آباد (پاکستان نیوز پوائنٹ 31جنوری2016ء) قومی اسمبلی نیشنل ڈیٹا بیس اینڈ رجسٹریشن اتھارٹی بل 2017ءپیش کرنڑ دی تحریک مسترد کر ڈتی۔ منگل کو ںقومی اسمبلی اچ جمشید احمد دستی تحریک دے ذریعے نیشنل ڈیٹا بیس اینڈ رجسٹریشن اتھارٹی بل 2017ءپیش کرنڑ دی اجازت منگی اتے آکھیا جو شناختی کارڈ گھنڑ دی عمر کوں 18 سال توں گھٹ کر تے 16 سال کیتا ونجے ، ایندے نال جعلی شناختی کارڈ بنڑواونڑ دے جرائم سمیت بئے بہوں سارے مسئلے حل تھیسن ۔
وزیر مملکت انجینئر بلیغ الرحمان آکھیا جو دنیا دے بہوں سارے ملکاں اچ بلوغت دی عمر 18 سال ہے، ایں کوں وٹاونڑ ممکن کائنی ۔ اساں بل دی مخالفت کریندے ہئیں ۔ جمشید احمد دستی آکھیا جو بل کوں کمیٹی دے حوالے کیتا ویسی ۔ بلیغ الرحمان آکھیا جیکر کئی غلط کم تھیندے تاں ایندا کئی جواز نہیں بنڑایا ونج سگدا۔ ایں کوں روکنڑ کیتے اقدامات چاونڑیں پوندے ہن ۔ قومی اسمبلی بل کوں مسترد کرڈتا۔
