بائیوکھاد دے استعمال نال پھلی دار فصلاں دی پیداوار اچ ودھارا کیتا ونج سگدے ، ماہرین زراعت

فیصل آباد (پاکستان پوائنٹ نیوز۔28 جولائی۔2016) جامعہ زرعیہ فیصل آباددے ماہر ین زراعت آکھے جو پاکستان اچ پیداتھیونڑآلیاں پھلی دار فصلاں سویا بین ، چنا، مونگ، ماش،برسیم، مٹر ، جنتر، مونگ پھلی وغیرہ کیتے بائیو کھاد بہوں فیدے مند پاتی گئی ہے ۔ جڈانجو بائیوکھاد دے استعمال نال پھلی دار فصلاں دی پیداوار اچ ودھ سارا اضافہ کیتا ونج سگدے ،بیا اے جو بائیو کھاد دی اہمیت ویلھے دے نال نال ودھدی پئی ہے کیونجو ایندا استعمال زمین دی تیزی نال گھٹ تھیندی ہوئی قدرتی زرخیزی کوں روکنڑ اچ مددڈیندی ہے ۔ بائیو کھاد دے استعمال نال پھلی دار فصلاں دی پیداوار اچ 15توں 100فیصد تئیں ودھاراممکن ہے ۔