اسلام آباد (پاکستان نیوز پوائنٹ 27جنوری2016ء) سپریم کورٹ پانامہ لیکس بارے کیس اچ نیب توں اسحاق ڈار دا بیان اتے ریفرنس دی تفصیل منگ گھدی اتے سماعت سنوار تئیں ملتوی کر ڈتی۔عدالت پانامہ لیکس بارے آکھیا جو لوکاں دے مطابق مقدمہ سست روی نال چلدا پئے ،اینویں بلکل کائنی ،اوں ویلھے تئیں ایں کیس کوں سنڑسوں جڈاں تئیں عدالت مطمئن اتے انصاف دے تقاضے پورے نی تھیندے،عدالت لوکاں دی امیداں دی ڈکٹیشن قبول کائنا کریسی۔
جمعہ کوں جسٹس آصف سعید کھوسہ دی سربراہی اچ پنج رکنی بنچ کیس دی سماعت کیتی۔ایڈووکیٹ شاہد حامد مریم نواز ولوں دلائل پورے تھیونڑ دے بعد وزیرخزانہ اسحاق ڈار دی پیروی کریندیں ہوئیں عدالت کوں ڈسایا جو درخواست گزاراں دے مطابق اسحاق ڈار 2000ء اچ ڈتے گئے بیان اچ14.866ملین ڈالر دی منی لانڈرنگ کرنڑدا اعتراف کیتا ہا۔شاہد حامد آکھیا جو اسحاق ڈار ایندی تردید کیتی اے،انہاں 1999ء اچ فوج دے قبضے دے بعد گھر تے نظر بند کر ڈتا گئیا ہئی اتے پیشکش کیتی گئی جو اگر اوتعاون کرن تاں انہاں کوں حکومت اچ رلایا ویسی۔اوں ویلھے انہاں توں پہلے بیان تے زبردستی دستخط کروائے گئے بعد اچ انہاں کوں حراست اچ گھن گھد اگئیا۔
