اسلام آباد (پاکستان نیوز پوائنٹ 26جنوری2016ء) وزیر دفاع خواجہ محمد آصف آکھیا ہے جو عمران خان سیاست وانگوں عدالت اچ وی اپنڑاں موقف تبدیل کریندے پن ، عمران خان عوام دے ووٹاں اتے جمہوریت دے عمل دی بجائے لاٹریاں اتے ایمپائر تے یقین رکھیندے ہن ، وزیر اعظم محمد نواز شریف دا ناں پاناما پیپرز اچ کائنی ۔ خمیس کوں اتھاں میڈیا نال گالھ مہاڑ کریندے ہوئیں انہاں آکھیا جو اج مسلم لیگ ن دے وکیل مریم نواز شریف دے وزیر اعظم دے زیر کفالت نہ ہوونڑ دا ثبوت عدالت اچ داخل کر ا ڈتاہے ۔
انھاں آکھیا جیں دینھ توں پاناما کیس چلدا پیا ہے عمران خان سیاست وانگوں عدالت اچ روز اپنڑاںموقف چینج کریندے پے ہن ۔ خواجہ آصف آکھیا جو اساڈے موقف اچ تسلسل ہے اتے انشاءاللہ ایہو تسلسل کامیابی دی ضمانت ثابت تھیسی، اے ثابت تھی گیا ہے جووزیر اعظم دا ناں پاناما پیپرزاچ شامل کائنی ۔ انھاں آکھیا جو 1999 اچ جنرل(ر) پرویز مشرف ولوں وزیر اعظم محمد نواز شریف دی حکومت دے خاتمے دے ویلھے عمران خان آمریت دی حمایت کیتی ہئی ، او امید لاتی بیٹھے ہن جو دھرنیں نال نواں موڑ امسی تے انہاں دے وزیراعظم بنڑ ونجنڑ دا رستہ ہموار تھی ویسی ، عمران خان عوام دے ووٹاں اتے جمہوریت دے عمل دی بجائے لاٹریاں اتے ایمپائر تے یقین رکھیندے ہن ۔
انھاں آکھیا جو انشااللہ اساڈا تے پوری قوم دا یقین اللہ تعالی اتے عمران دا یقین دنیاوی ایمپائر تے ہے۔وزیر دفاع آکھیا جو دنیا اچ کتھائیں کہیں وی سیاستدان ترائے نسلاں دا حساب کائنی ڈتا ، وزیر اعظم اپنڑے دنیا توں چلیے گے بزرگاں دا حساب ڈیندے پے ہن تے ایں عمل توں وزیراعظم نواز شریف دا جمہوریت تے یقین واضح ہے ایندے بر عکس عمران خان الیکشن کمیشن اچ زکوة دے پیسیں دا حساب ڈیونڑ کوں تیار کائنی ۔
