راولپنڈی(پاکستان نیوز پوائنٹ 19نوری2016ء) افغانستان اچ امریکی فوج دے کمانڈر جنرل نکلسن دا پاکستان دا دورہ' پاک فوج دے سربراہ جنرل قمر جاوید باجوہ نال ملاقات کیتی۔پاک فوج دے شعبہ تعلقات عامہ(آئی ایس پی آر) دے مطابق پاک فوج دے سربراہ جنرل قمر جاوید باجوہ ملاقات وچال انٹرنیشنل سیکورٹی اسسٹنس فورس(ایساف)اتے ریزولوٹ سپورٹ مشن(آر ایس ایم) دی افغانستان اچ قیام امن اتے استحکام سانگے کوششاں کوں سراہیا۔
انہاں افغانستان اچ سکیورٹی چیلنجز نال خود نبڑنڑ سانگے افغان نیشنل سکیورٹی فورسز دی استعداد کار ودھاونڑ بارے ریزولوٹ سپورٹ مشن(آر ایس ایم) دے مستقل تعاون دی تعریف کیتی۔آرمی چیف زور ڈتا جو ریزولوٹ سپورٹ مشن ڈو پاسہ پاک افغان سرحدی انتظام سانگے آپنڑاں کردار نبھاوے۔ایں توں پہلے افغانستان اچ امریکی فوج دے کمانڈر اتے پاک فوج دے سربراہ شمالی وزیرستان دے علاقے میرانشاہ دا دورہ کیتا جتھاں جنرل آفیسر کمانڈنگ دہشت گردی دے خلاف جاری آپریشن ضرب عضب اتے سماجی ترقی دی سرگرمیاں بشمول عارضی طور نقل مکانی کرنڑ آلیاں دی واپسی بارے تفصیلی بریفنگ ڈتی۔
