آڈیٹر جنرل صدر مملکت کوں سالانہ رپورٹ پیش کیتآڈٹ حکام عوام دے پیسے دا منصفانہ استعمال اتے بے ضابطگیاں کوں روکنڑ کیتے جدید ذرائع استعمال کرن ،صدر مملکت

آڈیٹر جنرل صدر مملکت کوں سالانہ رپورٹ پیش کیتآڈٹ حکام عوام دے پیسے دا منصفانہ استعمال اتے بے ضابطگیاں کوں روکنڑ کیتے جدید ذرائع استعمال کرن ،صدر مملکت

اسلام آباد (پاکستان پوائنٹ نیوز۔27 جولائی۔2016) صدر مملکت ممنون حسین آڈیٹر جنرل دی کارکردگی دی تعریف کریندے ہوئیں آکھے جو بئے چنگے نتائج کیتے آڈٹ دے نظام کوں بیا چنگا کیتا ونجنڑ دی لوڑ ہے ۔ اے گالہیں انہاں بدھ کوں آڈیٹر جنر ل آف پاکستان رانا اسد امین نال ایوان صدر اچ گالھ مہاڑاچ آکھیاں ۔ ایں موقعے تے آڈیٹر جنرل صدر مملکت کوں آپنڑیں سالانہ رپورٹ وی پیش کیتی۔

صدر مملکت آکھیا جو سرکاری شعبیاں اچ فنڈز دی شفافیت اتے احتساب دے منصفانہ نظام کیتے آڈٹ دے نظام اچ بہتری گھن آونڑ دی لوڑ ہے ۔ صدر مملکت آڈیٹر جنرل دے دفتر دی کارکردگی دی تعریف کیتی اتے آکھیا جو ایں ادارے ارباں روپے دی وصولی کیتی ہے اتے اے چنگی گالھ ہے ۔ صدر مملکت آکھیا جو آڈٹ رپورٹاں اچ بے ضابطگیاں دی نشاندہی اتے ایندے اُتے کارروائی نال کرپشن دی لعنت کوں مکایا ونج سگدے ۔

صدر مملکت ایں امید دا ذکر کیتا جو مستقبل اچ آڈٹ دے نظام کوں بیا مؤثر بنڑاونڑ ، لوکیں دے پیسے دا منصفانہ استعمال اتے بے ضابطگیاں کوں روکنڑ کیتے آڈٹ حکام جدید ذرائع استعمال کرن تانجو کرپشن کوں پوری طرح مکایا ونج سگے ۔ آڈیٹر جنرل ایں موقعے تے سالانہ رپورٹ دے نمایاں پہلوواں بارے ڈسایااتے ڈسایا جو ایں بارے میرٹ دی پالیسی تے سختی نال عمل کیتا ویندا پئے جیندے چنگے نتیجے سامنڑیں امسن۔