لاہور(پاکستان پوائنٹ نیوز۔27 جولائی۔2016) صوبائی وزیر کو آپریٹو ملک محمد اقبال چنڑ آکھے جو وزیر اعلی پنجاب محمد شہباز شریف دی ہدایت دے مطابق سارے صوبے اچ 14 اگست کو ںیوم آزادی شایان شان طریقے نال مناونڑ دیاں تیاریاں پوریاں کرگھدیاں گئن۔ یوم آزادی دیاں اتے تقریباں پہلی اگست توں ہی شروع تھی ویسن۔ یونین کونسل ، تحصیل ، ضلع اتے صوبائی سطح تے سکولاں، کالجاں اتے یونیورسٹیاں اچ تقریری تے تحریری مقابلے، سپورٹس اتے سیمینار، سمپوزیم،مشاعرے، ملی ترانیاںتے مصوری دے مقابلے، قومی پرچم لہراونڑ اتے قومی ترانہ پڑھنڑ دیاں تقریباں اتے میڈیا تے ایں دینھ دی مناسبت نال خصوصی پروگرام نشر کیتے ویسن،جنہاں اچ تحریک پاکستان اچ نمایاں کردار ادا کرنڑآلے مشاہیر کو ںخراج تحسین پیش کیتا ویسی ۔
انہاں آکھیا و ہر ضلع آپنڑیں مقامی ثقافت کوں اجاگر کرنڑ کیتے آپنڑاں فلوٹ تیار کریسی ،ضلعیاں دی سطح تے مختلف شعبیاں اچ کئی نمایاں کم سرانجام ڈیونڑ آلیاں کوں سنداں ڈتیاں ویسن۔ یوم آزادی تے موجودہ حکومت دے ترقیاتی منصوبیاں، عوام دوست اقدامات اتے پالیسیاںبارے وی لوکیں کوں آگاہ کیتا ویسی ۔ بدھ کوں مسلم لیگی ورکراں نال ملاقات اچ گالھ مہاڑکریندے ہوئیں انہاں ڈسایا جو وزیر اعلی شہباز شریف 23مارچ دی کامیاب تقریباں کوں ایں طرح 14اگست دا یوم آزادی دا ڈینھ وی شاندار طریقے نال مناونڑ اں چاہندے ہئیں۔
اتے ایں سانگے ہک قائمہ کمیٹی وی بنڑا ڈتی گئی ہے جیہڑا جو یوم پاکستان دیاں ساریاں تیاریاں دی رپورٹ پیش کریسی ۔ انہاں آکھیا جو ایں موقعے د ی مناسبت نال پنجاب حکومت دے سارے محکمے وطن نال محبت دے اظہار کیتے خصوصی پروگرام کریسن۔ محکمہ آرکائیو تحریک پاکستان دے حوالے نال نادر تصویراں اتے یادگار چیزاں دی نمائش کریسی ۔ پبلک لائبریریز اچ خصوصی تقریباں تھیسن۔
ضلعی اتے ڈویژنل سطح تے تیا ر کیتے ونجنڑآلے فلوٹس 4اگست تئیں نمائش کیتے تیار کر گھدے ویسن۔ انہاں آکھیا جو یوم آزادی اساڈے بزرگاں دیاں عظیم قربانیاں اتے قیام پاکستان دی جدوجہد اچ آپنڑیاں جاناں دا نذرانہ پیش کرنڑآلے گمنام مجاہداں کوں خراج عقیدت پیش کرنڑ دے علاوہ تجدید عہد اتے پاکستان کو ںقائداعظم دے خواباں دی تعبیر بنڑاونڑ دے عزم دے اظہار دا ڈینھ وی ہے ۔
