اسلام آباد (پاکستان نیوز پوائنٹ 13جنوری2016ء) قوانین تے نظرثانی بارے لاء ریویوکمیٹی دااجلاس وفاقی وزیر خزانہ سینیٹر اسحاق ڈار دی صدارت اچ تھیا۔اجلاس اچ پارلیمنٹ اچ منظوری سانگے پیش کیتے گئے مختلف مسودہ قوانین تے پیشرفت دا جائزہ گھدا گئیا۔اجلاس اچ کمپنیز بل2016دے علاوہ قومی احتساب آرڈیننس 1999تے وی غور کیتا گئیا جئیں دا مقصد گڈ گورننس کوں یقینی بنڑاونڑ اتے بدعنوانی دے خاتمے بارے قوانین اچ بئی بہتری گھن آونڑ اے۔
کمیٹی کوں انتخابی اصلاحات بارے ہنڑ تئیں دی پیشرفت بارے وی ڈسایا گئیا۔وزیر خزانہ ایں موقع تے سکیورٹیز اینڈ ایکسچینج کمیشن آف پاکستان ولوں کمپینز بل 2016ء بارے اتے پارلیمانی کمیٹی برائے انتخابی اصلاحات ولوں انتخابی اصلاحات سانگے کیتے ونجنڑ آلے کم کوں سراہیا۔اجلاس اچ وفاقی وزیر قانون زاہد حامد، وزیر مملکت برائے انفارمیشن ٹیکنالوجی انوشہ رحمان، اٹارنی جنرل پاکستان اشتر اوصاف اتے وزیر اعظم دے معاون خصوصی خواجہ ظہیر وی شرکت کیتی۔
