اسلام آباد (پاکستان نیوز پوائنٹ 13جنوری2016ء) پاکستان مسلم لیگ (ن)دے رہنما اتے سابق وزیر خزانہ عمر ایوب خان آکھیا ہے جو وفاقی وزیر خزانہ اسحاق ڈار ملک دی بڈدئی ہوئی معیشت کو ں سہارا ڈتا ہے ۔ ریڈیو پاکستان نال گالھ مہاڑ کریندے ہوئیں انہاں آکھیا جو پاکستان تکھے ترقی دیاں منزلاں طے کریندا پیا ہے تے اے خوشحالی اساکوں وڈے عرصے توں نصیب تھی ہے۔
عمر ایوب خان آکھیا جوملکی خوشحالی اتے ترقی دا سہرا وزیراعظم محمد نواز شریف اتے وفاقی وزیر خزانہ اسحاق ڈار سمیت پوری ٹیم دے سر ہے جیں دی رات ڈینھ دی محنت نال شرح نمو اچ ودھارا ڈیکھنڑ اچ امدا پیا ہے۔ انھاں آکھیا جو ملک دی ترقی دا انحصار زراعت،صنعت اتے بئے پراجیکٹس تے ہے اتے ایں توں کتھائیں ودھ تے حکومت دیاں چنگیاں پالیسیاں دا ہوندا ہے ۔انھاں آکھیا جو گزریل دور اچ ملکی ادوار ایجھے ہن جو اندرونی سرمایہ کار وی سرمایہ کاری توں ڈردے ہن جو انہاں دا سرمایہ بڈ نہ ونجے ۔سابق وزیر آکھیا جو موجود حکومت دیاں چنگیاں پالیسیاں پاروں اندرلے تے باہرلے سرمایہ کاراں سمیت غیر ملکی سرمایہ کار وی پاکستان اچ سرمایہ کاری کریندے پن ۔
