حکومت مدارس دی جدیدیت دے حوالے نال اقدامات کریندی پئی ہے،وفاقی وزیر مذہبی امور سردار محمد یوسف

اسلام آباد (پاکستان نیوز پوائنٹ 13جنوری2016ء) وفاقی وزیر مذہبی امور سردار محمد یوسف آکھیا ہے جو حکومت مدارس دی جدیدیت دے حوالے نال اقدامات کریندی پئی ہے ۔جمعے کوں ریڈیو پاکستان نال گالھ مہاڑ کریندے ہوئیں انہاں آکھیا جو مدارس اچ جدید نصاب تعلیم وقت دی اہم ضرورت ہے جیں کوں ممکن بنڑاونڑ سانگے وزارت مذہبی امور اپنڑاں کردار ادا کریندی پئی ہے ۔انہاںمزید آکھیا جو پنجویں جماعت تئیں قرآن پاک دی تعلیم لازمی قرارڈتی ویسی اتے چھیویں جماعت توں بارہویں جماعت تئیں قرآن پاک ترجمے دے نال پڑھایاویسی ۔ انہاںآکھیا جو مدارس اچ اصلاحات وقت دااہم تقاضا ہے تاں جو مذہبی اتے جدید تعلیم دے نصاب اچ توازن قائم کیتا ونج سگے۔