اسلام آباد (پاکستان نیوز پوائنٹ 10جنوری2016ء) سپیکر قومی اسمبلی سردارایازصادق ی صدارت اچ فوجی عدالتاں بارے پارلیمانی لیڈر دا مشاورتی اجلاس منگل کوں پارلیمنٹ ہائوس اچ تھیا جئیں اچ وفاقی وزراء زاہد حامد، شیخ آفتاب احمد، اکرم خان دورانی، قومی اسمبلی اچ قائد حزب اختلاف سید خورشید احمد شاہ ، پیپلز پارٹی دے پارلیمانی لیڈر سید نوید قمر ،آفتاب احمد خان شیر پائو، ڈاکٹر فاروق ستار ، حاجی غلام احمد بلور، شاہ محمود قریشی، ڈاکٹر شریں مزاری ، صاحبزادہ طارق اللہ اتے حاجی شاہ جی گل آفریدی شریک تھیے۔
اجلاس دے بعد سپیکر قومی اسمبلی مختصر گالھ مہاڑ اچ آخھیا جو ایں بارے کھل تے گالھ مہاڑ کیتی گئی اے جو ایں بارے کیا کرنڑاں اے۔اگلے اجلاس اچ کوئی اخیری صورتحال سامنڑے آ ویسی۔ایں موقع تے سید خورشید احمد شاہ آکھیا جو حکومت دی پوزیشن سامنڑے آگئی اے،حکومتی نقطہ نظر پارٹی لیڈر شپ دے سامنڑے رکھیسوں۔پی ٹی آئی دے رہنماء شاہ محمود قریشی آکھیا جو فوجی عدالتاں بارے حکومتی نقطہ نظر کوں پارٹی فورم تے زیر بحث آن کراہیں کوئی نشابر گالھ سامنڑے آ گئی اے۔شاہ محمود قریشی آکھیا جو اساں منیندوں جو آپریشن ضرب عضب کامیابی نال تھیے اتے ایں نال بہوں صورتحال چنگی تھئی اے
