برطانوی لیبر پارٹی دے سربراہ قومی ہیلتھ سروسزدے بحران تے وزیراعظم توں جواب منگ گھدا

لندن (پاکستان نیوز پوائنٹ 09جنوری2016ء) برطانوی لیبر پارٹی دے سربراہ جرمی کوربن قومی ہیلتھ سروسز این ایچ ایس دے بحران تے وزیراعظم تھریسا مے توں جواب منگ گھدا ہے۔برطانوی ذرائع ابلاغ دے مطابق جرمی کوربن این ایچ ایس دے بحران کوں قومی بحران قرار ڈیندے ہوئیں وزیراعظم تھریسا مے کوں آکھیا ہے جو او پارلیمنٹ اچ آتے صورتحال دی وضاحت پیش کرن۔جرمی کوربن دا اے بیان ایجھے ویلھے سامنڑے آیا ہے جڈاں برطانیہ دی ریڈ کراس سوسائٹی خبردار کیتا جو صحت عامہ دے قومی ادارے این ایچ ایس کوں انسانی بحران دا سامنڑاں ہے۔سوسائٹی حکومت دی سخت گیر اقتصادی پالیسیاں کوں این ایچ ایس اچ آونڑ آلے بحران دی اہم وجہ قرار ڈتا ہے۔