پولیس کانسٹیبل گولی لگنڑ نال جاں بحق،سرکاری رائفل نال گولی لگی اے،ڈی ایس پی

ملتان (پاکستان پوائنٹ نیوز۔26 جولائی۔2016) لوہاری گیٹ دے علاقے قلعہ کہنہ قاسم باغ تے کانسٹیبل گولی لگنڑ نال جاں بحق تھی گئیا۔پولیس دے مطابق تھانڑاں گلگشت اچ تعینات کانسٹیبل غلام شبیر موٹر سائیکل تے رائفل رلے ڈیوٹی تے ویندا پئیا ہئی جو قلعہ کہنہ قاسم باغ تے اونکوں ہک گولی لگی جئیں نال اوں موقع تے دم تروڑ ڈتا۔ڈی ایس پی گلگشت دے مطابق ابتدائی شواہد توں پتہ لگدے جو کانسٹیبل سرکاری رائفل موٹر سائیکل تے لٹکائی ہوئی ہئی،اوندا لاک کھلیا ہوئیا ہئی اتے اوں رائفل نال کانسٹیبل کوں گولی لگی ۔پولیس لاش بئی تحقیقات سانگے نشتر ہسپتال دے سرد خانے منتقل کر ڈتی اے۔