اسلام آباد (پاکستان نیوز پوائنٹ 04جنوری2016ء) وزیر مملکت داخلہ بلیغ الرحمان آکھیا ہے جو بھارت دشمنی آلا رویہ اپنایا ہویا ہے تے اینکوںودھ سارا ضیان تھیسی ۔ذرائع ابلاغ نال گالھ مہاڑ کریندے ہوئیں انہاں آکھیا جو پوری دنیا دے حالات جیہوجے وی ہوون ایندے باوجود پاکستان کوں اہمیت دی نگاہ نا ل ڈٹھا ویندا ہے ۔خطے سمیت مشرق وسطی اچ جاری دہشت گردی تے لاقانونیت ڈیکھنڑ اچ آندی پئی ہے اتے پاکستان قنون تے عملداری اچ اولین درجہ حاصل ہے۔
وزیر مملکت آکھیا جو پاکستان چ سیکورٹی فورسز شدت پسندی دا خاتمہ کریندے ہوئیں دہشت گرداں دی چیل بھن ڈتی ہے ۔ملکی حالات مسلسل چنگائی دے پاسے ویندے پن ملکی معیشت وی عروج تے ویندی پئی ہے ۔انہاں آکھیا جو وزیراعظم نواز شریف دی واضح پالیسی ہے خطے اچ پڑوسی ملکاں سمیت خطے تے دنیا نال چنگے تعلقات بنڑائے ونجن ۔بلیغ الرحمان آکھیا جو پاکستان تے ایران ،چین تے روس نال تعلقات پہلے توں بہتر تھیندے پے ہن تے صر ف بھارت دشمنی دا رویہ اپنایا ہویا ہے اے گالھ سمجھ نی آندی جو دشمنی نال اینکوں ودھ سارا ضیا ن تھیسی ۔
