پورے ضلع اچ تعمیر تے ترقی دے ریکارڈ قائم کریسن،سردار اظہر خان لغاری

رحیم یارخان(پاکستان نیوز پوائنٹ 03جنوری2016ء) چیئرمین ضلع کونسل رحیم ےار خان سردار اظہر خان لغاری آکھیا ہے جو ماضی وانگوں مستقبل اچ وی ضلع رحیم یار خان مسلم لیگ ن دا گڑھ رہ ویسی ۔ضلع اچ تعمیر تے ترقی دے ریکارڈ قائم کریسوں تے عوام دی فلاح بہبود سانگے سارے ارکان قومی تے صوبائی اسمبلی دا تعاون ضلع کونسل کوں حاصل ہے ۔اپنڑی گالھ مہاڑ اچ انہاں آکھیا جو میرٹ توں ہٹ تے کوئی کم وی کائناں تھیسی جڈاں جو ترقیاتی کماں اچ ارکان ضلع کونسل تے شہریاں دی صلاح کوں ترجیح ڈتی ویسی ۔انہاں آکھیا جو اساں ضلع کونسل اچ محبت ،بھرپی اتے رواداری دی فضاءکوں ودھارا ڈیندے ہوئیں اپوزیشن ممبر اں کوں وی نال گھن تے ٹرسوں کہیں وی جاہ تے کوئی تفریق کائناں کیتی ویسی ۔