اسلام آباد (پاکستان نیوز پوائنٹ 26دسمبر2016ء) آپٹیکل فائبر اچ تکنیکی خرابی پاروں اسلام آباد ‘کراچی اتے بلوچستان سمیت سارے ملک دے مختلف حصیاں اچ پی ٹی سی ایل تے موبائل انٹرنیٹ سروس معطل تھی گئی ‘انٹر نیٹ سروس معطل تھیونڑپاروں سارے ملک اچ شہریاں کوں ودھ ساری اوکھ دا سامنڑاں ہے ۔ پی ٹی سی ایل حکام دے مطابق سندھ توں بلوچستان ونجنڑآلی آپٹک فائبر دیاں لائناں چار جاہیں تے کپیچ گیاں ۔
بلوچستان اچ آپٹک فائبر اوتھل وحب اتے خضداروسوراب وچال منقطع تھئی ، جڈانجو سندھ دے علاقیاں گلشن حدید،نوری آباداچ وی آپٹک فائبر منقطع تھی ہے ۔ آپٹک فائبر منقطع تھیونڑپاروں کوئٹہ سمیت بلوچستان اچ پی ٹی سی ایل ،موبائل فون سروس معطل تھی گئی ،جڈانجو ا نٹرنیٹ دی سروس وی متاثر تھئی ہے ۔لینڈ لائن فون اتے موبائل سروس بند تھیونڑپاروں شہریاں کوں ودھ ساری اوکھ دا سامنڑاں کرنڑا ں پئے ۔
