صدر مملکت ممنون حسین دا غلام اسحاق خان انسٹی ٹیوٹ آف انجینئرنگ سائنسز اینڈ ٹیکنالوجی اچ تقریب نال خطاب

صدر مملکت ممنون حسین دا غلام اسحاق خان انسٹی ٹیوٹ آف انجینئرنگ سائنسز اینڈ ٹیکنالوجی اچ تقریب نال خطاب

صوابی (پاکستان نیوز پوائنٹ 15دسمبر2016ء) صدر مملکت ممنون حسین آکھیا جو پاک چین اقتصادی راہداری نال پاکستانی معیشت مضبوط تھیسی اتے آونڑ آلے ویلھے اچ پاکستان دی ترقی دی نویں راہواں کھلسن ۔وسط ایشیاء اتے پورے خطے اچ نویں امکانات توں فائدہ چاونڑ سانگے پاکستان آلے پاسے امید دی نظراں نال ڈیکھدا پئے ۔انہاں اے گالھیں ٹوپی اچ غلام اسحاق خان انسٹی ٹیوٹ آف انجینئرنگ سائنسز اینڈ ٹیکنالوجی اچ تقریب نال خطاب کریندیں ہوئیں آکھی جئیں اچ گورنرخیبرپختونخوا اقبال ظفر جھگڑا، ریکٹر غلام اسحاق خان انسٹیٹیوٹ آف انجینئرنگ سائنسز اینڈ ٹیکنالوجی جہانگیر بشر اتے ایگزیکٹو ڈائریکٹر شکیل درانی، انجینئر شمس الملک صدرسوسائٹی برائے فروغِ انجینئرنگ سائنس اینڈ ٹیکنالوجی توں انج طلباء تے طالبات دے علاوہ معزز مزماناں دی وڈی تعداد شریک تھئی۔

صدر مملکت آکھیا جو سی پیک توں فائدہ چاونڑ سانگے بئے ملکاں وی آپنڑی آمادگی ظاہر کیتی اے جئیں نال ایں منصوبے دی اہمیت دا اندازہ کیتا ونج سگدے۔صدرمملکت آکھیا جو ہنر مند طلباء تے طالبات سانگے پاکستان اچ اگوں ودھنڑ دے بہوں موقع ہن اتے سی پیک دی شکل اچ اساڈی نینگر نسل ایں توں فائدہ چا سگدی اے۔