بھکر(پاکستان پوائنٹ نیوز۔23 جولائی۔2016) ڈی سی او احمد مستجاب کرامت دی صدارت اچ ڈی ڈی ایم اے دا ماہانہ اجلاس تھیا جیندے اچ پری فلڈ انتظامات دا جائزہ گھدا گیا۔ اجلاس اچ اے ڈی سی /فوکل پرسن ڈسٹرکٹ فلڈ سیفٹی اینڈریلیف پلان حافظ احمد طارق ،اے سی بھکر علی اختر سیف اللہ،اے سی دریاخان مقبول اعجاز،اے سی کلورکوٹ عامر نذیر کھچی،ڈسٹرکٹ آفیسر ہیلتھ ڈاکٹر نواز،ڈسٹرکٹ ایمرجنسی آفیسر/سیکریٹری ڈی ڈی ایم اے نوید اقبال،پولیس،زراعت ،سوشل ویلفیئر ،ڈی آرٹی اے،انہار ،ٹی ایم ایز دے افسراں اتے این جی اوز دے نمائندیاں شرکت کیتی۔
ڈی سی او احمد مستجاب کرامت اجلاس نال خطاب کریندے ہوئیں فلڈسیفٹی اینڈریلیف بارے محکمیاں/اداریاں دے سربراہواں کوں ہدایات جاری کیتن جو فلڈسیفٹی اینڈریلیف بارے سارے وسائل دی دستیابی کڑی نگرانی اچ برقرار رکھی ونجے تانجو دریائے سندھ اچ سیلابی صورتحال پیداتھیونڑ تے کہیں وی اوکھ دا سامنڑاں نہ کرنڑاں پووے ۔
