رحیم یار خان(پاکستان پوائنٹ نیوز۔23 جولائی۔2016) محکمہ پولیس ضلع رحیم یار خان اچ کانسٹیبلان دی ترقی کیتے لسٹ اے دا امتحان (اج) 24 جولائی کوں تھیسی ۔ 37 سال توں گھٹ عمر ، ریکروٹ کورس پاس ، تعلیم میٹرک ، سروس3 سال اتے کئی وڈی سزا نہ پاونڑآلے اہلکار امتحان اچ شامل تھیونڑ دے اہل ہوسن۔ ترجمان پولیس دے مطابق ڈی پی او رحیم یار خان ذیشان اصغرولوں جاری تھیونڑ آلے مراسلے اچ محکمہ پولیس رحیم یار خان اچ بطور کانسٹیبل فرائض سر انجام ڈیونڑآلے اہلکاراں دی اگلے عہدے اچ ترقی کیتے لسٹ اے دا امتحان (اج) اتوارکوں تھیسی جیندے کیتے سارے ضلعے اچ تعینات پولیس کانسٹیبلان کوں مختلف زرائع توں اطلاع ڈتی گئی ہے ، اتے امتحان اچ شمولیت کیتے درخواستاں منگیاں گئن،تانجو تعداد دے حساب نال امتحانی انتظامات پورے کیتے ونجن۔
آئی جی پنجاب پولیس مشتاق احمد سکھیرا ایں امتحان اچ ڈرائیورز کانسٹیبلان جیہڑے جو انہاں شرطاں تے پورے آندے ہن کوں وی ترقی دے امتحان اچ شمولیت دی اجازت ڈے ڈتی ہے جیندے نال ڈرائیوراں تے وی ترقی دے در کھل ویسن۔ ایں بارے ہکوپرچہ ہوسی جیندے اچ جنرل لاء ، پولیس رولز ، ضابطہ فوجداری ، جنرل نالج ، مطالعہ پاکستان تے مبنی سوال ہوسن۔ جڈانجو اخیر تے پریڈ دا امتحان اتے انٹرویو وی ہکو ڈینھ تھیسن ۔
