رحیم یار خان (پاکستان پوائنٹ نیوز۔23 جولائی۔2016) ڈی سی ا و رحیم یار خان کیپٹن(ر)محمد ظفر اقبال آکھے جو ضلعے اچ سارے ترقیاتی منصوبیاں کوں مقررہ مدت اچ پورا کرنڑ سانگے متعلقہ محکمیاں اتے انتظامی افسراں کوں ہدف ڈتے گئے ہن تانجو لوکیں دے فیدے دے انہاں منصوبیاں کوں دیر کیتے بغیر اتے معیاری انداز اچ پورا کیتا ونج سگے ۔ متوقع سیلابی صورتحال اچ لوکیں کوں ریلیف پجاونڑ کیتے متعلقہ اداریاں وچال ویلے سر معلومات د ے تبادلے، سیلابی صورتحال توں بچائو اتے ریلیف بارے عملی مشقاں پوریاں تھی گن۔
اے گالہیں انہاں آپنڑیں دفتر اچ عوامی نمائندیاں نال گالھ مہاڑ اچ آکھیاں ۔ انہاں آکھیا جو کراچی توں لہور موٹر وے سمیت بئے منصوبیاں دے کم کرنڑ آلے غیر ملکیاں دی سیکیورٹی اچ غفلت برداشت کائناں کیتی ویسی ، اتے سارے متعلقہ محکمیاں کوں مقرر کردہ ایس او پی تے عملدرآمد دی ہدایت کیتی گئی ہے جڈانجو لہور توں کراچی موٹر وے اچ آونڑ آلی زمین دے مالکاں کوں رقم دی ادائیگی دا سلسلہ وی جاری ہے اتے اے بہوں تکھے پورا تھی ویسی ۔ انہاں آکھیا جو عدالتاں اچ دیر دا شکار مقدمیاں دے تکھے حل کیتے وی اقدامات کیتے ویندے پن ۔ انہاں آکھیا جو ضلعی انتظامیہ انسداد ڈینگی مہم کوں پورے زور نا ل جاری رکھے ہوئے ہے ۔
