اسلام آباد (پاکستان پوائنٹ نیوز۔22 جولائی۔2016) چیئرمین سینٹ میاں رضا ربانی آکھیا ہے جو این ایف سی ایوارڈتے مردم شماری اچ دیر دے معاملے تے چھوٹے صوبیں دے خدشات تے تحفظات پرے کیتے ۔جمعے کوں ایوان بالا دے اجلاس اچ سینیٹر سسی پلیجو دے توجہ ڈیواﺅ نوٹس دے معاملے تے ریمارکس ڈیندے ہوئیں چیئر مین سینیٹ آکھیا جو وفاقی حکومت مسلسل ڈوجھا بجٹ تے پرانے این ایف سی ایوارڈ دے تحت پیش کیتا ہے ،نویں این ایف سی ایوارڈ سانگے پیش رفت تھیونڑیں چاہیدی ہے ۔
ہر پنج سال بعد نویں این ایف سی ایوارڈ دا اعلان آئینی تقاضا ہے ۔ایندے علاوہ مردم شماری اچ دیر تھیندی پئی ہے انہاں معاملات اچ چھوٹے صوبیں دے خدشات پرے کیتے ونجن کیوں جو صوبیں دا موقف ہے جو گر مردم شماری ویلھے نال تھیوے تاں آبادی اچ ودھارے دی صورتاچ انہاں کوں ودھ وسائل وی حاصل ہوسن ۔
