چٹ پٹے کھانڑے کھاونڑ آلے بندے کینسر، ساہ اتے دل دیاں بیماریاں توں دور راہند ن ،برطانوی ماہرین صحت

اسلام آباد (پاکستان نیوز پوائنٹ 29نومبر2016ء) برطانوی ماہرین صحت آکھیا ہے جو چٹ پٹے کھانڑے کھاونڑ آلے بندے کینسر، ساہ اتے دل دیاں بیماریاں توں دور راہندن ۔برطانوی ماہرین صحت ولوں 5 سو بندیان تے کیتی گئی جدید تحقیق توں ثابت تھئے جو روزانہ یا ہک ڈینھ بعد مصالحے دار کھانڑاں کھاونڑ آلیاں دے مقابلے وچ سادہ کھانڑاں کھاونڑ آلے بندیاں وچ مختلف بیماریاں اتے موت توں پہلے موت آونڑ دی شرح 14 فیصد ودھ ہائی۔

ماہرین آکھیا ہے جوچٹ پٹا کھانڑاں کھاونڑآلے بندے کینسر، ساہ دیاں بیماریاں اتے دل دے مرضاں توں دور راہندن اتے ایندی وجہ رتی مرچ وچ پاتے ونجنڑ آلا ہک کیمیکل کیپسیاسن انہاں بیماریاں توں دور رکھیندے اتے رتی مرچاں وچ پاتے ونجنڑ آلے اینٹی آکسیڈنٹس موٹاپے توں دور رکھیندن۔ جدید تحقیق دے بعد ماہرین صحت روز مرہ دے کھانڑیاں وچ مناسب مقدار وچ رتی مرچ کھاونڑ تے زور ڈیندے ہن کیونجوایہ دل سانگے بہوں فائدہ مند ہے۔