اسلام آباد (پاکستان نیوز پوائنٹ 23نومبر2016ء) سابق نگران وزیراعظم معین قریشی 86 سال دی عمر وچ انتقال کرگئے ہن۔پی ٹی وی دے مطابق پاکستان دے سابق نگران وزیراعظم واشنگٹن وچ انتقال کر گئے ہن۔ا وہ لمبے عرصے توں پھیپھڑاں دی بیماری مبتلا ہن۔معین قریشی18 جولائی 1993ء توں 19 اکتوبر 1993ء تئیں پاکستان دے نگران وزیراعظم رہے۔معین قریشی 26 جون 1930 ء کوں لاہور وچ پیدا تھئے۔
انہاں داپیو محی الدین قریشی برطانوی حکومت وچ ملازم ہا۔ معین قریشی گورنمنٹ کالج لاہور توں گریجویشن کیتی اتے ایندے بعدپنجاب یونیورسٹی توں اکنامکس وچ ایم اے کیتا۔معین قریشی فل برائٹ اسکالر شپ تے امریکا چلے گئے اتے 1955ء وچ انڈیانا یونیورسٹی توں اکنامکس وچ پی ایچ ڈی مکمل کیتی۔ پی ایچ ڈی مکمل کرنڑ دے بعدا وہ 1955ء وچ پاکستان واپس آگئے اتے پلاننگ ڈویژن وچ ملازمت اختیار کیتی تاں جواگلے ای سال ملازمت توں استعفیٰ ڈے تے واپس امریکا چلے گئے اتے آئی ایف ایم وچ ملازم تھی گئے۔
اوہ 1960ء وچ گھانا حکومت دے معاشی مشیر مقرر تھئے۔ 1991ء وچ انہاں ورلڈ بینک کوں خیر باد آکھ تے امریکا وچ مستقل سکونت اختیار کرگھدی اتے ایمرجنگ مارکیٹ ایسوسی ایٹس ناں دی کمپنی بنڑا گھدی۔معین قریشی امریکی تریمت نال شادی کیتی جیندے وچوں انہاں دے چار بال ہن ۔
