اسلام آباد (پاکستان پوائنٹ نیوز۔21 جولائی۔2016) جاری ساونڑں سیزن دے دوران شدید مینھ دی وجہ نال متاثر تھیونڑ آلیاں وچ 900خیمے،43ٹن راشن، 1650کمبل اتے بئیاں امدادی شئیںتقسیم کیتیاں گئیاں ہن۔ حالیہ بارشاں دی وجہ نا ل رونما تھیونڑ آلے واقعات دے نتیجے وچ مجموعی طور تے 46 بندے جاں بحق اتے 26 زخمی تھئے جڈانجو 103 مکاناں کوں نقصان پجیا۔ نیشنل ڈیزاسٹر مینجمنٹ اتھارٹی دے اعداد وشمار مطابق مینھ وسنڑ دی وجہ نال رونما تھیونڑ آلے واقعات دے نتیجے وچ سبھ توں ودھ جانی نقصان خیبر پختونخوا وچ تھیا ہوا جتھاں 41 بندے جاں بحق اتے 17 زخمی تھئے۔
ایندے علاوہ بلوچستان وچ3 بندے جاں بحق اتے 8 زخمی تھئے، آزاد جموں تے کشمیر اتے اسلام آباد وچ ہک ہک بندہ جاں بحق تھیا۔ ایں طرح خیبر پختوانخوا وچ مجموعی طور تے 71 مکاناں کوں نقصان پجیاجنہاں وچوں 24 مکمل طور تے تباہ تھئے جڈانجو 47 کو ںجزوی نقصان پجیا۔ بلوچستان وچ 31 اتے اسلام آباد وچ ہک مکان کوں زیان پجیا۔ ڈیزاسٹر مینجمنٹ دے صوبائی اداریاں ولوں متاثرین کوں امداد فراہم کیتی ویندی پئی ہے۔ متاثرین وچ ہنڑ تائیں 900 خیمے، 43 ٹن راشن، 1650 کمبل، 600 چٹائیاں اتے 100 کچن سیٹس ونڈیاں گیاں ۔
