اسلام آباد (پاکستان نیوز پوائنٹ 18نومبر2016ء) قومی اسمبلی جمعہ کوں ایجنڈے تے موجود سوالاں دے وقفے کوں سونوارکو ں کرنڑ دی تحریک متفقہ طور تے منظور کرگھدی گئی ہے۔ جمعہ کو ںوفاقی وزیر پارلیمانی امورشیخ آفتاب احمدآکھیا جو قومی اسمبلی اتے سینٹ دے اجلاس رات دیر نال طلب کیتے گئے ہن، وزراءلاہور چلے گئے ہن ایں خاطرایہ بزنس ہنڑ سونوار کوں کیتا ونجے۔
نوید قمر آکھیا جو قومی اسمبلی دے اجلاس طلب کیتے ونجنڑ دے حوالے نال کیلنڈر سال پہلے بنڑایا ویندے۔ ایہ معمول دے مطابق سیشن ہے ایندی سمری وختی منظور کیتی ونجنڑ چاہیدی ہائی ، اساں ایندے تے احتجاج ریکارڈ کریندے ہسے۔ سپیکر آکھیا جو اراکان‘ وزیر اتے وزارتاں محنت کریندیاں ہن ایں ویلھے اراکان وی کائناں ہن ایں خاطر ایہ چنگا کائناں ہوسی۔ شیخ صلاح الدین آکھیا جو اجلاس سڈیندے ویلھے دور توں آونڑ آلے اراکاناں دی مجبوری ڈٹھی ونجے۔ سپیکر آکھیا جو ایہ معاملہ اپنڑے ہتھ وچ گھن گھنو ۔ معمول وچ شئیں ڈسٹرب تھیندیان ہن۔ شیخ آفتاب احمد تحریک پیش کیتی جو وقفہ سوالات دی کارروائی سونوار 21 نومبر تئیں ملتوی کیتی ونجے ۔ ایوان تحریک دی منظوری ڈے ڈتی۔
