خاتون اوّل بیگم محمودہ ممنون حسین اتے ترک خاتون اوّل ایمی ' رجب طیب اردوان وچال ایوان صدر اچ ملاقات کیتی،

اسلام آباد (پاکستان نیوز پوائنٹ 17نومبر2016ء) خاتون اوّل بیگم محمودہ ممنون حسین اتے ترک خاتون اوّل ایمی ' رجب طیب اردوان وچال ایوان صدر اچ ملاقات کیتی۔خاتونِ اوّل محمودہ ممنون حسین آکھیا جو ڈوہاں ملکاں وچال مثالی تعلقات ہن اتے ڈوہاں ملکاں ہر اوکھے ویلھے اچ ہک ڈوجھے دا ساتھ ڈتے۔انہاں آکھیا جو پاکستان اتے ترکی بہوں مسئلیاں تے ہکو جیہا مئوقف رکھیندن اتے عالمی فورماں تے ہک ڈوجھے دی حمایت کریندن۔

خاتون اول پاکستان،پاکستان اچ سیلاب زدگان دی امداد سانگے ترک خاتون اول دی خدمات تے انہاں دی تعریف کیتی۔بیگم محمودہ ممنون حسین آکھیا جو ترک خاتون دی بالڑیاں دی تعلیم،طبقاتی تعلیم اتے بالاں دی جبری مشقت دے خلاف جدوجہد مسلم تریمتیں سانگے قابل تقلید ہن۔ایں موقع تے ترک خاتون اول ایمی نے اردوان آکھیا جو او پاکستان کوں آپنڑاں ڈوجھا گھر سمجھدن۔