خانپور ججہ عباسیاں اچ پنڈوں دا سیزن ،پنڈوں دی منڈی اچ میلہ دا سماں

خان پور(پاکستان پوائنٹ نیوز۔20 جولائی۔2016) خان پوردے نیڑے قصبے ججہ عباسیاں اچ پنڈوں دا سیزن شروع تھیندے ہی رونقاں لگ گیاں ،سینکڑاں لوکاں کوں روزگار مل گیا ،ججہ عباسیاں توں لوک پورے پاکستان اچ پنڈوں تحفے دے طور تے بھجویندے ہن ،اتھاں پرے پرے دے وپاری پنڈوں دی منڈی اچ آندے ہن ۔ایں موقع تے کھاونڑ پیونڑ دیاں چیزاں دے سٹال وی لگ ویندن ،ججہ عباسیاں اچ 80توں ودھ قسم دیاں پنڈوں پاتیاں ویندیاں ہن جیں اچ قابل ذکر لالو،ڈپنڈا ،سروں،کلا ،ملوک ،چھوارا ،کپاشہ اتے مجاوری شامل ہن ،اے قسماں کتھائیں وی نی رادھیاں ویندیاں اے پنڈوں712ءاچ محمد بن قاسم دے قافلے دیاں سٹیاں گیاں کگڑیں پاروں پیدا تھیاں ایں سانگے ججہ عباسیاں کوں پنڈوں دا نخلستان وی آکھیا وینداہے ۔