اسلام آباد (پاکستان نیوز پوائنٹ 8نومبر2016ء) امریکی ماہرین آکھیا ہے جو امرود دے پتیاں دے باقاعدہ استعمال نال وال ڈھونڑ بند تھی ویندن۔ ہاورڈ یونیورسٹی دے ماہرین آکھیا ہے جو پوری دنیا وچ مرد تے تریمتاںاپنڑے ڈھاندے ہوئے والاں دی وجہ نال پریشان راہندن اتے انہان دی نشوونما ودھاونڑ اتے ڈھونڑ توں روکنڑ سانگے دوائیاں دے استعمال تون وی گریز نی کریندے جیندے مضراثرات وی ہوندے ہن ۔
سائنسداناں دا آکھنڑ ہے جو امرود دے پتاں دے باقاعدہ استعمال نال وال ڈھونڑ رک ویندے اتے وختی نویں وال وی نکلنڑ لگدے ہن۔ماہرین دا آکھنڑ ہے جو امرود دے پتے وچ پاتے ونجنر آلا وٹامن بی والاںسانگے ودھ سارا فائدہ مند ہے ڈھاندے والاں توں پریشان لوکاں کوں چاہیدے جو ا وہ امرود دے ڈھگ سارے پتے گھن تے انہاں کوںپانڑیں وچ 20منٹ تئیں ابالنڑ،پانڑیں کوں تھڈھا تھیونڑ ڈیونڑ اتے ول پانڑی کوں سر وچ لا تے کجھ گھنٹے سانگے چھوڑ ڈیون اتے ایندے بعدنارمل پانڑی نال سر دھوگھنڑ، چنگا طریقہ ایہ ہے جو رات کوں سمنڑ توں پہلے امرود دے پانڑی کوں سر وچ لا تے سم پوونڑ اتے سویلے اٹھی تے سر کوں نارمل پانڑی نال دھوگھنڑ۔کجھ ڈینھاں وچ وال ڈھونڑ بند تھی ویسن اتے نویں وایل وی نکلسن۔
