اسلام آباد (پاکستان نیوز پوائنٹ 8نومبر2016ء) پاکستان مسلم لیگ (ن) دے رہنما عمر ایوب آکھیا ہے جو پاک چین اقتصادی راہداری منصوبہ پور ا تھیونڑ نال بلوچستان،سندھ،خیبر پختونخوا اتے پنجاب دی عوام فائدے چیسن۔ گزریل ڈینھ ریڈیو پاکستان نال گالھ مہاڑکریندے ہوئیں انھاں آکھیا جو پاکستان دی ترقی وچ پاک چین اقتصادی راہ داری منصوبے توں پہلے فیلڈ مارشل ایوب خان امریکا دی مخالفت دے باوجود قراقرم ہائی وے بنڑوا تے پاک چین یاری کوںبے مثال بنڑایا ہا تاں جو موجودہ حکومت دی چنگیا ںپالیسیاں دی وجہ نال پاک چین اقتصادی منصوبے دا آغاز کیتا گئے جیندی تکمیل نال پاکستان سمیت خطے دی قسمت بدل ویسی۔
انھاں آکھیا جو ایں منصوبے دے نال ذیلی منصوبیں وچ سڑکاں، ریلوے ٹریک اتے موٹر وے بنڑائے ویسن جیندے نال روزگار دے مواقع پیدا تھیسن۔ عمر ایوب آکھیا جو چین افریقاو چ معدنیات اتے انفرا سٹرکچر دی مد وچ 6 سو ارب ڈالر توں ودھ دی سرمایہ کاری کر یندا پئے اتے انہاں معدنیات کوں پاکستان دے ذریعے چین گھن تے ویسی ۔گوادر توں 50 کنٹینراں دی پہلی کھیپ چین روانہ تھیونڑ دے حوالے نال پوچھے گئے سوال دا جواب ڈیندے ہوئیں انھاں آکھیا جو کنٹینراں دی پہلی کھیپ چین روانہ ہونڑ خوش آئند ہے تاں جو آونڑ آلے ڈینھان وچ چین دا مال بردار بحری جہاز گوادروچ لنگر اندازتھیونڑ آلا ہے جیندے وچ 20 ،20فٹ دے 18 ہزار کنٹینر ہن، انہاں کنٹینراں دی قطار بنڑائی ونجے تاں 70توں75 میل لمبی ٹرین بنڑدی ہے۔
عمر ایوب آکھیا جو چین توں ہر مہینے اگر ترائے مال بردار بحری جہاز گوادر پورٹ تے لنگر انداز تھیونڑ تاں 50 ہزار توں ودھ کنٹینر سڑکاں تے رواں دواں تھیسن جیندے نال پورے ملک وچ خوشحالی آوسی۔
