رحیم یارخان(پاکستان نیوز پوائنٹ 8نومبر2016ء) شہر اچ پانڑیں دی نکاسی دے مسلیں دے حل سانگے میونسپل کمیٹی کوں جدید مشینری نال آراستہ کیتا ویسی ،وزیرا علیٰ پنجاب شہباز شریف دے مشکور ہوں جنہاں اساڈی درخواست تے شہر دی سیوریج لائناں دی صفائی تے بئے مسلیں دے حل سانگے وڈے شہراں توں ٹیکنیکل ٹیماں اتے مشینری رحیم یار خان بھجوائی ہے جیں پاروں سیوریج دے مسئلے دا تدراک یقینی تھی سگیا ہے ۔
اے گالھ مہاڑ وفاقی پارلیمانی سیکر ٹری پورٹس اینڈ شپنگ میاں امتیاز احمد میڈیا نال گالھ مہاڑ کریندے ہوئیں آکھیا ۔انہاں کم دی نگرانی تے مامور ایکسین پبلک ہیلتھ اختر عباسی ،ایس ڈی او فاروق صدیق اتے انہاں دی ٹیم دی کاکردگی کوںچنگاں اکھیندے ہوئیں اطمینان دا اظہار کیتا ہے ۔انہاں آکھیا رحیم یا ر خان دی عوام کوں سیوریج سمیت ڈوجھے پیش مسلیں دا خاتمہ تے اساڈیاں ذمے واریاں اچ شامل ہے ،شہر اچ سیوریج دے پرانڑے مسئلے حل کرنڑ سانگے صوبائی سطح تے ہر ممکن کوشش کیتی گی ہے اتے اگی تے وی اپنڑیاں ذمے واریاں توں غفلت کائناں کریسن ،انہاںجنرل کونسلراں کوں تاکید کیتی جو اپنڑے علاقیں اچ سیوریج سسٹم دی درستگی سانگے جاری اپریشن دی نگرانی کرن تے ٹیکنیکل ٹیماں دے نال ہر ممکن تعاون کرن ۔
