اسلام آباد (پاکستان نیوز پوائنٹ 7نومبر2016ء) قومی اسمبلی دی پبلک اکائونٹس دی ذیلی کمیٹی دااجلاس سوموار کوں کنوینر سید نوید قمر دی صدارت اچ پارلیمنٹ ہائوس اچ تھیا جئیں اچ کمیٹی دے ارکان جنید انوار چوہدری، ڈاکٹر زرین اتے میاں حنان سمیت متعلقہ سرکاری اداریاں دے اعلیٰ حکام شریک تھیے۔اجلاس اچ وزارت خزانہ ، نیشنل فوڈ سکیورٹی دے وزارت امور کشمیر دے 2002-03 ء دے زیر التوا آڈٹ اعتراضات دا جائزہ گھدا گئیا۔
کمیٹی سیکرٹری کشمیر افیئرز دی عدم موجودگی دا نوٹس گھدا جئیں تے وزارت ولوں آکھیا گئیاجو انہاںکوں ہک مہینے پہلے چیف سیکرٹری خیبر پختونخواہ لا ڈتا گئے ،حالی تئیں کوئی نواں سیکرٹری کائنی لاتا گئیا۔پی اے سی دے کنوینر سید نوید قمر آکھیاجو اساں پرنسپل اکائونٹنگ آفیسر دے بغیر وزارت دے آڈٹ اعتراضات دا جائزہ نی گھن سگدے۔پی اے سی وزارت قومی غذائی تحفظ دے آڈٹ اعتراضات نبیڑ ڈتے۔
