وزیراعظم آفس اچ قائم پاکستان سٹیزن پورٹل نال شہریاں دے مسلیں دے خاتمے دا سلسلہ جاری

وزیراعظم آفس اچ قائم پاکستان سٹیزن پورٹل نال شہریاں دے مسلیں دے خاتمے دا سلسلہ جاری

اسلام آباد (پاکستان پوائنٹ نیوز29دسمبر 2018ء) وزیرِ اعظم عمران خان دی ہدایت تے حکومت تے عوام اچ براہ راست رابطے کیتے وفاقی تے صوبائی محکمے متعلق عوامی شکایتاں دے ازالے سانگے وزیر ِ اعظم آفس اچ بنڑائے گے پاکستان سٹیزن پورٹل نال شہریاں دے مسلیں دے خاتمے کوں یقینی بنڑایا ویندا پے۔وزیر اعظم آفس توں جاری بیان دے مطابق پاکستان سٹیزن پورٹل تے رجسٹریشن تے آپنڑیاں شکایتاں تے تجویزاں حکومت پاکستان تئیں پجاونڑ دے سلسلے اچ عوام دا رد عمل حوصلہ افزا رہ گے ۔

ڈو مہینے دے عرصے اچ ہنڑ تئیں سٹیزن پورٹل تے رجسٹرڈ تھیونڑ آلیں دی تعداد 6لکھ توں ودھ گی اے ۔ہنڑ تئیں ملنڑ آلیاں شکایتاں دی تعداد 2 لکھ 29 ہزار 667 ہے جیں اچوں 90 فیصد شکایات ملک اچ مقیم شہریاں، 9.66 فیصد سمندر پار پاکستانیوں جڈاں جو 0.45 فیصد غیر ملکیاں ولوں ملن ۔رپورٹ دے مطابق پنجاب توں 1 لکھ 5 ہزار 794، خیبر پختونخواہ توں 26 ہزار 790، سندھ توں 31 ہزار 698 ، بلوچستان توں 2 ہزار 524 ، وفاقی دارالحکومت اسلام آباد توں 61 ہزار 644، گلگت بلتستان توں184اتے آزاد کشمیر توں 1 ہزار 172شکایات ملن ۔

پنجاب توں ملنڑ آلیاں شکایتاں اچوں 40ہزار دا ازالہ کر ڈتا گے ۔خیبر پختونخواہ توں 12ہزار 771،سندھ توں ڈو ہزار 63،بلوچستان توں 316وفاقی دار الحکومت توں 35ہزار 950شکایتاں دا ازالہ کیتا گے باقی شکایتاں تے کم جاری اے ۔