ملک توں لٹی گئی رقم دی واپسی کیتے نیب مکمل با اختیار اے ،وفاقی وزیر قانون فروغ نسیم

اسلام آباد (پاکستان پوائنٹ نیوز29دسمبر 2018ء) وفاقی وزیر قانون و انصاف بیرسٹر فروغ نسیم آکھیے جو ملک توں لٹی گئی رقم واپس گھن آونڑ سانگے قومی احتساب بیورو (نیب) پورے طور تے بااختیار اے ۔ نجی ٹی وی نال گال مہاڑ کریندے ہوئیں وفاقی وزیر فروغ نسیم آکھیا جو حکومت نیب دے قوانین اچ کوئی ترمیم کائنی کریندی پئی جیرھاجو اج کل میڈیا تے زیر بحث اے ۔انہاں آکھیا پلی بارگینگ دا قانون پوری دنیا اچ موجود اے تے عام طور تے ایں قانون دی موجودگی دی وجہ توں ہی لوک رضاکارانہ طور تے رقم واپس کر ڈیندن ۔