چیئرمین سینیٹ محمد صادق سنجرانی نال برونائی دارالسلام دے ہائی کمشنر بریگیڈئیر جنرل ریٹائرڈ حاجی محمود بن حاجی سیدین دی ملاقات

اسلام آباد (پاکستان پوائنٹ نیوز28دسمبر 2018ء) چیئرمین سینیٹ محمد صادق سنجرانی پاکستان اتے برونائی دارالسلام وچال اقتصادی تعاون ودھاونڑ تے زور ڈیندے آکھیے جو اقتصادی شعباں اچ رابطہ کاری ودھنڑ نال ڈو طرفہ تعلقات وی ودھسن۔پارلیمنٹ ہاﺅس اچ برونائی دارالسلام دے ہائی کمشنر بریگیڈئیر جنرل ریٹائرڈ حاجی محمود بن حاجی سیدین نال ملاقات اچ ڈو طرفہ تعلقات، اقتصادی وتجارتی تعلقات، سرمایہ کاری دے ودھارے کیتے ہتھ ونڈاونڑ تے الوایا گیا۔انہاں تعلیم و تربیت، صحت اتے فنی تعلیم دے نال نال اقتصادی ساجھے داری تے زور ڈتا۔برونائی دارالسلام دے ہائی کمشنر چیئرمین سینیٹ نال اتفاق کریندے یقین دیوایا جو ڈوہیں ملکاں دے تعلقات بئے اگو تے ودھائے ویسن۔