اسلام آباد (پاکستان پوائنٹ نیوز28دسمبر 2018ء) گزریل پنج سال دوران پاکستان اچ کپاہ دی فی ہیکٹر پیداوار اچ13.83 فیصد دی گھٹکی تھی ہے ۔اقتصادی تجزیہ کار منصور احمد اپنڑیں تجزیاتی رپورٹ اچ آکھیے جو سال2012-13ءدوران پاکستان اچ کپاہ دی اوسط فی ہیکٹر پیداوار701 کلوگرام ہائی جیرھی جوسال2016-17ءدوران664 کلوگرام فی ہیکٹرتئیں گھٹ تھی گی ہے۔ پنج سال دوران کپاہ دی فی ہیکٹر پیداوار اچ97کلوگرام فی ہیکٹریعنی13.83 فیصد دی گھٹکی ریکارڈ کیتی گی ہے۔
رپورٹ مطابق2012-13ءدوران پاکستان اچ کپاہ دا زیر کاشت رقبہ2.8 ملین ہیکٹر ہا جیندے توں 12.88ملین بیلز دی پیداوار حاصل تھی۔2017ءاچ کپاہ دا زیر کاشت رقبہ2.41 ملین ہیکٹر تئیں گھٹ گیا جڈاں جو پیداوار10.73 ملین بیلز تئیں گھٹ گی۔ رپورٹ مطابق سال2012ءتوں 2017ءدوران کپاہ دے زیر کاشت رقبہ اچ0.39 ملین ہیکٹر دی گھٹکی جڈاں جو پیداوار اچ2.15ملین بیلز دی گھٹکی تھی ہے۔ انہاں ڈسائے جو کپاہ دا زیر کاشت رقبہ اتے پیداوار اچ گھٹکی پاروں تشویش ہے جیندے سانگے جامع حکمت عملی تحت اقدامات دی ضرورت ہے تاں جو برآمدات اتے خاص طور تے ٹیکسٹائل دے شعبہ دی قومی برآمدات دے ودھارے داہدف حاصل کیتا ونج جا سگے ۔
