اسلام آباد (پاکستان پوائنٹ نیوز28دسمبر 2018ء) گاڈیاں تیار کرنڑ دی صنعت اچ 1.16 ارب ڈالر دی سرمایہ کاری کیتی ویندی پی ہے جیندی وجہ نال ملک اچ گاڈیاں دی پیداوار اچ ودھارا تھیسی اتے صارفین کوں چنگا معیار دی سفری سہولتاں دستیاب ہوسن۔ وزارت تجارت دی رپورٹ مطابق مارچ 2016ءاچ نویں آٹو ڈویلپمنٹ پالیسی ( اے ڈی پی) متعارف کرائی ہا ئی تاں جو شعبہ اچ نویںسرمایہ کاراں کوں سڈیا ونج جا سگے۔
اے ڈی پی 2016-21ءتحت جنوبی کوریا ، جاپان ، فرانس اتے چین دی کئی کمپنیاں گاڈیاں بنڑااونڑ آلے شعبہ اچ 1.16 ارب ڈالر دی سرمایہ کاری دی منصوبہ بندی کیتی ہے۔ رپورٹ مطابق ملک اچ آٹو انڈسٹری دی صنعت دی کارکردگی اچ گزریل کجھ سال دوران ودھار اتھئے اتے کاراں دے 55 توں 70 فیصدتوں ودھ پرزیاں جڈاں جو ٹریکٹراں دے 95 فیصد اتے موٹر سائیکلاں دے 85فیصد پرزے اندرون ملک تیارتھیندے پن۔
