سرکاری شعبے دے ترقی دے پروگرام اچ میری ٹائم افیئر ز ڈویژن دے ترقی دے کماں کیتے مجموعی طور تے66کروڑ 22لکھ روپے دے فنڈز جاری

اسلام آباد (پاکستان پوائنٹ نیوز28دسمبر 2018ء) وزارت منصوبہ بندی ترقی و اصلاحات سرکاری شعبے دے ترقی دے پروگرام اچ میری ٹائم افیئر ڈویژن دے ترقی دے کماں کیتے مجموعی طور تے ہنڑ تئیں 66کروڑ 22لکھ روپے توں ودھ دے فنڈز جاری کرڈتن ۔حکومت ایں ڈویژن دے ترقی دے کماں سانگے اجوکے مالی سال دے دوران 8ارب 12لکھ روپے توں ودھ دے فنڈز رکھین۔ پلاننگ کمیشن توں جاری اعداد شمار دے مطابق حکومت جی پی اے ہاﺅسنگ کمپلیکس دی اپ گریڈیشن کیتے 14کروڑ،گوادر منی پورٹ اچ بحالی دے کماں سانگے 85لکھ ، سی پیک دے تحت پاک چائنہ ٹیکنیکل اینڈ اوکیشنل انسٹیٹوٹ گوادرسانگے 4کروڑ 50لکھ، سی پیک دے تحت بریک واٹر دی تعمیر کیتے 7کروڑ 76لکھ ، ملا بینڈ ایریا اچ ترقیاتی کماں کیتے 27 کروڑ 31لکھ ، ایسٹ بے ایکسپریس وے دی تعمیر سانگے 8کروڑ روپے سمیت مختلف ترقیاتی منصوبیں کیتے فنڈز جاری کر ڈتن ۔