اسلام آباد (پاکستان پوائنٹ نیوز27دسمبر 2018ء) وزیراعظم عمران خان دی زیر صدارت وفاقی کابینہ نقلی اکاﺅنٹس دے حوالے نال جی جے آئی ٹی رپورٹ اچ شامل 172لوکاںدے نال ای سی ایل اچ پاونڑ ،چینی مارکیٹ اچ داخلے کیتے پانڈا بانڈز دا اجراء،فرخ سبزواری کو ں چیئرمین ایس ای سی پی ،عامر عظیم باجوہ تے ڈاکٹر خاور صدیق کو ں ممبر پی ٹی اے تعیناتی ،نیوز پرنٹ تے ریگولیٹری ڈیوٹی 5توں گھٹ کرتے ہک فیصد کرنڑ ،سٹیل ملز دے واجبات 2019تئیں ادار کرنڑ تے ڈاکٹر عطاءالرحمان دی سربراہی اچ ٹیکنالوجی ٹاسک فورس دے قیام دی منظوری ڈے ڈتی اے ، شمالی وزیرستان اتے مکران اچ موبائل سروسز بحال کیتی ویندی پئی اے ، پہلے مرحلے اچ وزیراعظم ہاو¿س کوں دارالحکما ءڈوجھے مرحلے اچ وزیراعظم ہاو¿س کوں یونیورسٹی اچ تبدیل کیتا ویسی ،آندے سال جون توں پہلے فاٹا اچ صوبائی اسمبلی دے الیکشن دا انعقاد کیتا ویسی ،الطاف حسین دی قتل کرنڑ دے حکم اتے اشتعال انگیز تقریر اتے کراچی اچ ساﺅتھ افریقین گینگ دیاں سرگرمیاں تے تشویش دا اظہار کریندے ہوئیں وزیراعظم عمران خان وزارت خارجہ کوں ساﺅتھ افریقہ اتے برطانیہ دے سامنڑے اے معاملے کوں چاونڑ دی ہدایت کیتی اے ۔
وفاقی کابینہ موبائل لائسنس دی تجدید دا معاملہ موخرکر ڈتا،15جنوری دے بعد وی 10فیصد ٹیکس دے نال موبائل فون دی رجسٹریشن تھی سگسی۔خمیس کوں وفاقی وزیر اطلاعات و نشریات چوہدری فواد حسین کابینہ دے اجلاس دے بعد میڈیا کوں بریفنگ ڈیندے ہوئیں ڈسایا جو جوائنٹ انوسٹی گیشن دی رپورٹ سپر یم کورٹ اچ جمع تھی جیں اچ ایف آئی اے ہوشربا انکشافات کیتن ،ساریں ڈٹھے جو کیویں حکومت سندھ کوں منی لانڈرنگ سانگے استعمال کیتا گے تے وڈی رقم نقلی اکاﺅنٹ ،لینڈ مافیاں تے لوکاں کوں یرغمال بنڑا تے وصولیاں کیتیاں گن ۔
وفاقی کابینہ فیصلہ کیتے جو 172لوک جیرھے ایں جے آئی ٹی اچ ہن ساریں دے ناں ای سی ایل اچ پاتے ویسن ۔انہاں آکھیے جو بے دردی نال لٹیا گیاپیسہ عوام دے لوکاں دا پیسہ اے ۔امید ہے جو ہنڑ آصف علی زرادری جے آئی ٹی کو ں ہنڑ سنجیدہ گھنسن تے آندے ڈینھاں اچ انہاں کوں پتہ لگ ویسی جو ایں کاروائی اچ کتنی سنجیدگی اے ۔حکومت اتے ادارے عوام دے ہک ہک پیسے دا حساب گھنسن ۔
اے عمل جاری رہسی ۔وفاقی وزیر چوہدری فواد حسین آکھیا جو فاٹا اچ صوبائی اسمبلی دے انتخابات آندے سال جون توں پہلے تھیسن تے فاٹا دے انضمام دا مرحلہ وی طے تھی ویسی ایں ضمن اچ جیرھا ہک عمل شروع کیتا گیا ہئی فاٹا کوں آئینی اتے قانونی حقوق ملسن ۔وفاقی وزیر چوہدری فواد حسین آکھیا جو ملک اچ ایں وقت تحقیق دے مختلف ادارے ،تھینک ٹینک کم کریندے پن تے مختلف سینٹر آف ایکسیلینس وی قائم ہن حکومت فیصلہ کیتے جو سارے تحقیقی اداریں کوں کٹھا کرتے انہاں دیاں سفارشاں تے عمل در آمد کیتا ویسی ۔
انہاں ڈسایا جو وفاقی اداریں ضمنی گرانٹس منگیاں ہن جیں تے کابینہ غور کیتے ایچ ای سی ، ایف آئی اے سمیت بئے اداریں کوں ضمنی گرانٹ دے اجرا دے نال نال سٹیل ملک دے 2019دے سارے بقایاجات فنڈز دی منظوری ڈتی اے ۔ہک سوال دے جواب اچ انہاں آکھیا جو کراچی اچ ایم کیو ایم تے پی ٹی آئی دی قیادت کوں صوبائی حکومت سیکورٹی کائنی ڈیندی پئی ایندے تے وفاقی حکومت دے خدشات ہن ،وزیراعظم عمران خان وزیر مملکت داخلہ کوں ہدایت کیتی اے جو او سندھ حکومت نال رابطہ کرن تے صوبائی قیادت دی سیکورٹی کوں یقینی بنڑانڑ کیتے گال مہاڑ کریسن ۔
ہک سوال دے جواب اچ انہاں آکھیا جو بینظیر بھٹو پاکستان دی اہم سیاسی رہنما ہن ، بینظیر بھٹو دی شہادت قوم کیتے دھچکا ہئی ،بھٹو دی پیپلز پارٹی دا انقلاب غریباں دا انقلاب ہئی،شہید بینظیر بھٹو دا آصف زرداری دی پیپلز پارٹی نال کوئی تعلق کائنی۔ہک سوال دے جواب اچ انہاں آکھیا جو صوبے تے وفاق آئین دے پابند ہن کوئی ایندے خلاف کائنی ونج سگدا ۔
