ریلویز ڈویژن دے ترقیاتی کماںسانگے 8 ارب 7 کروڑ 48 لکھ روپے جاری

اسلام آباد (پاکستان پوائنٹ نیوز27دسمبر 2018ء) وزارت منصوبہ بندی، ترقی تے اصلاحات سرکاری شعبہ دے ترقیاتی پروگراماں اچ ریلویز ڈویژن دے ترقیاتی کماں سانگے مجموعی طور تے ہنڑ تئیں 8 ارب 7 کروڑ 48 لکھ روپے توں ودھ دے فنڈز جاری کرڈتے ہن ۔ حکومت جاری مالی سال دوران ایں ڈویژن دے ترقیاتی کماں سانگے 28 ارب 6 کروڑ روپے توں ودھ دے فنڈزرکھے ہن۔ پلاننگ کمیشن ولوں جاری کیتے گئے اعدادوشمار مطابق حکومت سی پیک سپورٹ پراجیکٹ سانگے ہک کروڑ 95 لکھ، سی پیک تحت حویلیاں ڈرائی پورٹ سانگے ہک کروڑ 56 لکھ، سٹاف کواٹرز بنڑاونڑ سانگے 13 کروڑ 40 لکھ، خانیوال رائیونڈ ٹریک کوں ڈورویہ کرنڑ سانگے30کروڑ 57 لکھ، پورٹ قاسم تا بن قاسم سٹیشن دی بحالی سانگے 9 کروڑ 60 لکھ، ٹریک مینٹیننس پائلٹ پراجیکٹ سانگے 35 کروڑ، ایم ایل ون دی اپ گریڈیشن سانگے 80 کروڑ، ڈیزل الیکٹرک لوکوموٹوز سانگے2 ارب 80 کروڑ، 2010ءدے سیلاب نال متاثرہ املاک سانگے 40 کروڑ، 2007ءاچ متاثرہ املاک دی بحالی سانگے 66 کروڑ 18 لکھ، رولنگ سٹاک اتے ٹریک دی بحالی سانگے 20 کروڑ 29 لکھ روپے توں ودھ دے فنڈز جاری کرڈتے ہن۔