اسلام آباد (پاکستان پوائنٹ نیوز27دسمبر 2018ء) وزارت منصوبہ بندی، ترقی تے اصلاحات سرکاری شعبہ دے ترقیاتی پروگراماں اچ نیشنل ہائی وے اتھارٹی دے ترقیاتی کماں سانگے مجموعی طور تے ہنڑ تئیں 81 ارب 25کروڑ 80 لکھ روپے توں ودھ دے فنڈز جاری کرڈتے ہن۔حکومت جاری مالی سال دوران مواصلات دے شعبے دے ترقیاتی کماں سانگے ہک کھرب 85 ارب 19 کروڑ روپے توں ودھ دے فنڈز رکھے ہن ۔
پلاننگ کمیشن ولوں جاری کیتے گئے اعدادوشمار مطابق حکومت سی پیک تحت چترال بونی مستوج روڈ سانگے 40لکھ ، این 25 سانگے 10کروڑ، این 65 سانگے 10کروڑ ، این 50 سانگے 60 کروڑ، ڈو رویہ ہائی وے بسمیہ توںخضدار سانگے 20 کروڑ، چترال ایون بمبوریت سانگے 12 کروڑ، 2010ءدے سیلاب نال متاثرہ املاک دی بحالی سانگے 21کروڑ 66 لکھ، پشاور نادرن بائی پاس سانگے 70 کروڑ، نیشنل ہائی وے ڈویلپمنٹ سیکٹر پراجیکٹ سانگے 20 کروڑ، لواری ٹنل کوں ملاونڑ آلیاں سڑکاں سانگے 60 کروڑ، 6 لین ہائی وے لہور ایسٹرن بائی پاس سانگے 20 کروڑ، سی پیک تحت اسلام آباد توں رائیکورٹ سیکشن سانگے60 کروڑ، لہور سیالکوٹ موٹر وے بنڑاونڑسانگے 40کروڑ، لہور ملتان موٹر وے بنڑاونڑ سانگے 16ارب 26 کروڑ، جگلوٹ سکردو روڈ دی اپ گریڈیشن سانگے ہک ارب 40 کروڑ روپے توں ودھ دے فنڈز جاری کر ڈتے ہن۔
