علی پور تھانہ سٹی دی حدود اچ ڈو ڈاکو اسلحہ دے زور تے موبائل فون دوکان توں نقدی لٹ تے فرار

مظفرگڑھ (پاکستان پوائنٹ نیوز27دسمبر 2018ء) علی پور تھانہ سٹی دی حدود تحصیل روڈ تے ڈکیتی دی واردات دوران ڈو مسلح ڈاکو اسلحہ دے زور تے موبائل فون شاپ توں 2 لکھ روپے توں ودھ نقدی لٹ تے فرار تھی گئے۔علی پور موبائل فون ایسوسی ایشن دی اپیل تے دکاناں بند کر تے احتجاج کیتاگیا۔ تاجراں دا آکھنڑ ہا جو پولیس ڈاکواں کوں گرفتار کرنڑ اتے عوام دے جان تے مال کوں تحفظ ڈیونڑ اچ بری طرح ناکام تھی گی ہے۔تاجراں آکھیے جوگزریل ہک مہینے اچ 15توں ودھ ڈکیتی دی وارتاں تھی گی ہن ،جڈاں جو پولیس صرف بغیر نمبرآلے موٹرسائیکل پکڑن دی حد تئیں مصروف ہے۔تاجراں اعلان کیتے جو جڈاں تئیں ملزماں کوں گرفتار نی کیتا ویندااحتجاج جاری راہسی۔