اسلام آباد (پاکستان پوائنٹ نیوز27دسمبر 2018ء) محکمہ موسمیات مطابق آندے کجھ ڈینھاں دوران پنجاب دے میدانی علاقیاں، اتلے سندھ اتے پشاور ڈویژن اچ سویل تے رات ویلھا کجھ جئیں تے شدید اتے ہلکی کہیڑ دا سلسلہ جاری راہسی،جڈاں جو ملک دے اکثر علاقیاں اچ موسم ٹھڈھا اتے رکھا راہسی۔ شمالی علاقیاںاچ ٹھڈھ دی شدت برقرار راہسی اتے اتلے علاقیاں اچ سویل ویلھا کہیڑ پوونڑ دا وی امکان ہے۔
رپورٹ مطابق گزریل 24 گھنٹے دوران پنجاب دے کجھ میدانی علاقیاں، اپر سندھ اتے پشاور ڈویژن اچ سویل ویلھا شدید دھند پئی اتے ملک دے شمالی علاقیاں اچ موسم شدید ٹھڈھا جڈاں جو بئے علاقیاں اچ ٹھڈھا اتے رکھا رہیا۔ نیشنل ہائی ویز اینڈ موٹرویز پولیس (این ایچ اینڈ ایم پی) موسم دی صورتحال پاروں مسافراں کوں ہدایت کیتی ہے جو غیر ضروری سفر توں اجتناب کرن جڈاں جو سفردے دوران فوگ لائیٹاں دا استعمال کرنڑ اتے احتیاطی تدبیراں تے سختی نال عملدرآمد کوں یقینی بنڑاونڑ۔
خمیس دی سویل شدیدکہیڑ پاروں موٹرویز کو ںکئی جئیں تے ٹریفک سانگے بند کر ڈتا گئے۔ موٹر وے پولیس حکام مسافراں کوں ہدایت کیتی ہے جو کہیں وی ہنگامی صورتحال اچ ہیلپ لائن 130 تے رابطہ کرنڑ تاں جو انہاں دی وختی مدد کیتی ونج سگے ۔
